若果 偶爾瘋狂 大膽一次 會有可能有額外收穫嗎？

可惜的是，這個瘋狂大膽的人　並不是我啊
真的挺佩服和羨慕別人有勇氣去自己一個旅行　當一個backpacker！
可以無拘無束到自己想到的地方，做些有點笨的事
例如擺好腳架，上面托好相機，一個人白痴的對著相機瘋狂的自拍起來！
去放膽認識當地的人，甚至跟他們到別處玩，一起搭順風車，真的需要很大勇氣！
我自問就沒此膽量了，要我放開懷抱毫無顧忌嗎？我想我在搭順風車那個位已經想要退縮了
若果，憑這些勇氣到外地闖盪一番，又會否有額外收穫呢？
有些時候，事件往往在毫無預計之下發生了......

我覺得自己是零

最近個人真係幾唔開心, 好冇mood
包括學業嘅去向, 同埋愛情方面
呢兩樣野, 我而家都摸唔清, 完全睇唔到一個清晰嘅前路
或者咁講, 我從來冇擁有過 有過得著

學業, 我依家處於一個人生交叉點, 我終於讀完兩年嘅副學士, 但到頭來, 只係將自己嘅失敗更顯露無遺
我當初究竟抱住一個咩心態入黎讀asso, 老實講 有D 自欺欺人, 逃避現實嘅感覺
我根本睇得成件事太理所當然, 睇到人地嘅成功 就攞黎做自己逃避嘅藉口
然後妄想 得到幸運之神眷顧嘅一定係我 我一定可以入得到大學
但兩年入面 我究竟有冇付出過努力? 我可以答, 冇
我最多係盡應盡嘅本分, 叫做準時交齊功課, present, 然而個質素係點就唔駛講
如果偶爾有一兩份做得唔錯, 只係咁啱, or 肯俾少少時間努力做, 但咁唔夠的
EXAM, 真係次次都係最尾先黎溫, 賴咩時間表爛吖, 根本藉口
我真係晒q 晒d 錢同時間的廢柴

到依家, 讀完, 冇offer, 唯一嘅盼望只淨一間自資學院
但我其實都仲係好迷茫, 想報邊科都未決定好
其實 報呢間 又係咪一個逃避現實嘅做法?
雖然 說到底 我仍然好想得到呢個機會


另一樣野, 愛情 吖 唔係 其實根本冇試過 我都唔知點形容
眼見一個又一個冇拍過/好耐冇拍拖的人 陸續都得到愛情 嘗到幸福滋味
而我 只可以一個人冷眼在旁羨慕 妒忌
點解唯獨我一個唔可以擁有呢種幸福? 我只係想有一個愛自己 在乎自己嘅人
我呢個要求唔高吧 點解要我承受呢D 唔開心?
我唔係冇試過主動 向一個心儀嘅人表示多少少 但到頭來 只係自己自作多情
係咪真係咁難? 搵一個自己同對方互相喜歡 欣賞嘅人?
定係我真係咁冇優點 冇吸引力? 我真係好憤怒 或者其實係心灰
算了吧 我已經等左咁多年了 唔差在啦 直到身邊人都擁有幸福嘅時候 而我只係一個人孤伶伶


我真的是零

宇宙兄弟 追到6x 集了！

尋日終於緊貼返最新話！每次開宇宙兄弟睇時 總係感受到一股勵志的感覺
好似進入宇宙兄弟嘅世界 就係俾我放鬆心情嘅時刻 每每會有感動時刻
真係一個勵志感動良心番！追逐夢想的故事讓人鼓舞激動啊！
好希望可以繼續播落去 會有更多人支持！

之後去youtube 無意中睇返日日人喺月球差啲死而被救嗰part
真係很虐的一幕啊！！！
依家重睇都仲有一絲心痛感 想當日第一次睇 真係哭死我了！
嗰吓真係好擔心佢會死！諗緊點算呀 喺月球仲會有邊個幫佢呀。。
尤其聽見曹啟謙嘅演繹 真係聽見都令人心痛！！日日人好慘呀！
到最後知道布萊恩部機救左佢 真係即刻放心晒
布萊恩死了真的是一個遺憾 佢係一個好前輩
另一方面 六太對於弟弟嘅感應 心靈相通 都俾到我好大感動 果然是兩兄弟啊
嗰幾集對於我黎講係宇宙兄弟入面最深刻嘅部分

這是第一篇

我的無拘束放任FF 亂哮一通的blog 終於起了!!!